बीड, महाराष्ट्र आरंभ वृत्त : मस्साजोग सरपंच हत्या प्रकरण राज्यभर गाजले. यासह आठवडाभरात परळीतील उद्योजक अपहरण, बीडमधील गोळीबार, मस्साजोगमधीलच खंडणी प्रकरण आदी घटनांमुळे बीड आहे की बिहार? असा प्रश्न उपस्थित केला जात होता. बीडमधील सरपंच हत्यासह इतर मुद्दे जिल्ह्यातील सत्ताधारी, विरोधी आमदारांनी अधिवेशनात उपस्थित केले. तसेच चालू असलेल्या जिल्ह्यात अवैध धंदे विरोधात दैनिक महाराष्ट्र आरंभ ने बातम्या प्रकाशित करून या सर्वांतून जिल्ह्यातील कायदा व सुव्यवस्था बिघडल्याचे दिसले. त्यामुळेच शुक्रवारी मुख्यमंत्री देवेंद्र फडणवीस यांनी अविनाश बारगळ यांची बदली करत असल्याचे सभागृहात जाहीर केले. या पदावर आता छत्रपती संभाजीनगर येथे पोलिस उपआयुक्त म्हणून कार्यरत आयपीएस अधिकारी नवनीत कॉवत याची नियुक्ती करण्यात आली असून, त्यांनी बीड जिल्ह्याचे पोलिस अधीक्षक पदाचा पदभार स्वीकारला आहे. नवनीत कांवत हे 2017 च्या बॅचचे आयपीएस अधिकारी आहेत. छत्रपती संभाजीनगर शहरात उपायुक्त असलेले नवनीत कांवत हे बीडचे नवीन पोलीस अधीक्षक म्हणून पदभार स्विकारला आहे. बीडच्या पोलीस अधिक्षकपदी नवनीत कांवत यांची नियुक्ती करण्यात आली असून, नवनीत कांवत यांची धडाडीचे पोलिस अधिकारी म्हणून पोलीस दलात ख्याती आहे.